Raddir fortíðar

Horfnir Ströndungar segja frá

 

Árið 2001 opnaði vefurinn Ísmús - íslenskur músík- og menningararfur. Vefurinn er gagnagrunnur sem geymir og birtir á vefnum gögn um íslenska menningu fyrr og nú: hljóðrit, ljósmyndir, kvikmyndir, handrit og texta. Þar má finna gamlar upptökur og fleira efni um einstaklinga, m.a. frá Bakkafirði og Langanesströnd. Hér eru settar inn nokkrar upptökur af burthorfnum Bakkfirðingum, en fleiri upptökur má finna á www.ismus.is.

Árni Friðriksson

Árni fæddist 1. júlí 1890 og lést 21. janúar 1975. Hann var sjómaður, útgerðarmaður og bóndi í Bergholti. Tekið var viðtal við hann í ágúst 1969. Hér segir hann frá Þorgeirsbola og fleiri sögur.

Spjall við Árna um kveðskap og rímur.

Árni segir frá draugnum Tungubresti.

Árni segir frá viðskiptum sínum við Tungubrest.

Árni um Þorgeirsbola.

Árni um huldufólk við Bergholt og beinakastið.

Árni spurður um langspil.

Árni Lárusson

Árni Steinþór Lárusson fæddist 21. janúar 1904. Hann lést árið 1994. Margir muna eftir honum í seinni tíð sem umsjónarmanni frystiklefans í þorpinu. Tekið var viðtal við hann í júní 1977.  Einnig heyrist í Arnfríði Lárusdóttur, systur Árna.

Árni um álagablett í túninu.

Um Viðvíkurlalla

Meira um Viðvíkurlalla

Um drauga

Árni og Arnfríður um vötn á heiðum

Jón Eiríksson frá Miðfirði

Jón Marinó Eiríksson fæddist í Miðfirði 3. apríl 1905. Hann lést 4. október 1983. Alla sína tíð var hann bóndi í Miðfirði. Tekið var viðtal við hann í júní 1977. Á upptökunni hér segir hann frá draugnum Tungubresti.

Ferðasaga Jóns Eiríkssonar

Æviatriði Jóns

Jón um ungmennafélagið Víði

Jón talar um drauginn Tungubrest.

Jón um hagyrðinga.

Jón fer með vísu.

Jón segir frá vegavinnu og því þegar fyrsta brúin yfir Miðfjarðará hrundi.

Guðrún Vigfúsdóttir á Bakka

Guðrún Vigfúsdóttir fæddist árið 1888. Hún var húsfreyja á Bakka, síðar á Grímsstöðum og loks í Reykjavík. Henni var margt til lista lagt. Vísur eftir hana hafa varðveist og eru birtar hér annars staðar á síðunni. Hún ræktaði blómlegan garð á Bakka í norðaustan næðingnum. Hún lést 1974. Tekið var viðtal við hana í apríl 1969. Hér segir hún m.a. frá Ólafi afa sínum, sem var steinsmiður og fór til Ameríku með öll sín börn, nema móður Guðrúnar.

Guðrún segir frá fólki

Guðrún segir frá Ólafi afa sínum.

Guðrún segir frá æsku sinni.

Um bóklestur og rímur.

Um bæinn í Steintúni.

Lára Höjgaard frá Bakka

Lára Friðný Aðalheiður Jónsdóttir Höjgaard fæddist á Bakka í Bakkafirði 3. desember 1912. Hún lést 4. desember 1999. Lára bjó á Bakka nánast alla sína tíð. Tekið var viðtal við hana í ágúst 1969. Á einni upptökunni mælir hún af munni fram skemmtilegar þulur.

Vísan Tafra gleypti tuttugu hafra.

Vísan Heyrði ég í hamrinum.

Þulan Þegiðu þegiðu.

Lára segir frá reynslu sinni af huldufólki.

Um huldufólk á Bakka og örnefni

Séra Sigmar Torfason

Sigmar Ingi Torfason fæddist á Hofi í Norðfirði 15. ágúst 1918. Hann lést 4. ágúst 1997. Stúdent frá Mennaskólanum á Akureyri og lauk embættisprófi í guðfræði frá Háskóla Íslands 1944. Sama ár vígðist hann til Skeggjastaða. Var prófastur frá 1965, þ.e.a.s. yfirprestur í sínu prófastdæmi. Gegndi prestþjónustu á Skeggjstöðum til ársins 1988. Upptakan fór fram í ágúst 1969. Sigmar syngur m.a. "Rægður varstu fyrir ranga sök", úr Passíusálmum sr. Hallgríms Péturssonar.

Sigmar segir frá sr. Jens Hjaltalín presti á Skeggjastöðum.

Sigmar syngur "Rægður varstu fyrir ranga sök".

Fjallað um sálma.

Dagur er dýrka ber.

Sigríður Árnadóttir frá Saurbæ

Sigríður fæddist 9. desember 1890. Hún lést 21. september 1974. Lengi húsfreyja á Sóleyjarvöllum og í Saurbæ. Síðast búsett í Kópavogi. Afi hennar var Sigurður Magnússon, bóndi í Kverkártungu. Upptakan fór fram í Kópavogi í apríl 1970.

Sigríður segir frá húslestri.

Samtal um gátur.

Um Gunnólfsvíkurskottu.

Um mann frá Kverkártungu.

Um hólana í Steintúni.

Þórarinn Magnússon frá Steintúni

Þórarinn Valdemar Magnússon Thorlacius fæddist 17. desember 1902. Hann lést 6. ágúst 1978. Bóndi í Höfn í Bakkafirði frá 1924-31. Mjólkurbússtjóri á Siglufirði árið 1933. Bóndi í Steintúni í Bakkafirði um 1934-59. Var um tíma á Akureyri, síðar afgreiðslumaður í Reykjavík. Síðast búsettur í Reykjavík. Þórarinn var eitt margra skálda frá Bakkafirði. Gaf út sex ljóðabækur. Upptakan fór fram í Reykjavík í júní 1978, mánuði áður en Þórarinn lést.

Þórarinn um drauga á Bakkafirði.

Um Bessa vinnumann á Nýjabæ, Bakkafirði sem varð úti á Sandvíkurheiði.

Þórarinn segir frá brennivínstunnu sem rak á fjörur í sveitinni.

Um gröf Fransmanna í túninu á Bakka og mannabeinafund.

Katrín Valdimarsdóttir frá Bakka

 

Katrín fæddist á Bakka 23. mars 1898 og andaðist 2. september 1984. Hún var dóttir Magnúsar Valdimarssonar, stjúpsonar Þórarins Hálfdánarsonar á Bakka og Þorbjargar Þorsteinsdóttur. Hún bjó á bakka og á Bakkafirði, en fluttist til Reykjavíkur 1947.  Hljóðritun fór fram í Reykjavík 2. desember 1971.

Katrín fer með kvæði eftir Örn Arnarson um húskarla Halldórs Runólfssonar, Þekkið þið Halldórs heimakarla.

Katrín segir frá huldufólki o.fl.

Katrín fer með nafnavísu.